0
0
ଓଡ଼ିଶା ବିଧାନସଭାର ପୂର୍ବତନ ବାଚସ୍ପତି ତଥା ଦିଗପହଣ୍ଡି ନିର୍ବାଚନ ମଣ୍ଡଳୀ ବିଧାୟକ ଡଃ ସୂର୍ଯ୍ୟ ନାରାୟଣ ପାତ୍ରଙ୍କ ଶୀଘ୍ର ଆରୋଗ୍ୟ କାମନା ନିମନ୍ତେ ସୋମବାର ଦିନ ଦିଗପହଣ୍ଡି ବ୍ଳକ ଆଙ୍କୋରଡା ସପ୍ନେଶ୍ବର ଶୈବପୀଠରେ ସାମୂହିକ ଦୀପଦାନ ସହ ପୂଜାକାର୍ଯ୍ଯ ଅନୁଷ୍ଠିତ ହୋଇଯାଇଛି । ଖବରନୁଯାୟୀ , ବିଧାୟକ ଶ୍ରୀ ପାତ୍ରଙ୍କ ଦୀର୍ଘ ଦିନ ଧରି ଦେହ ଅସୁସ୍ଥ ରହିଥିବା ବେଳେ ତାଙ୍କ ଆଶୁ ଆରୋଗ୍ୟ କାମନା ନିମନ୍ତେ ଦିଗପହଣ୍ଡି ବ୍ଳକର ବିଭିନ୍ନ ପଞ୍ଚାୟତରେ ପୂଜାର୍ଚ୍ଚନା କରାଯାଉଥିବା ନଜର ଆସୁଛି । ଆଜି ଏହି ପରିପ୍ରେକ୍ଷୀରେ ସ୍ଥାନୀୟ ଗ୍ରାମବାସଙ୍କ ସହଯୋଗ କ୍ରମେ ଶୈବପୀଠ ପରିସରରେ ଆୟୋଜିତ ପୂଜାର୍ଚ୍ଚନାରେ ସ୍ଥାନୀୟ ସରପଞ୍ଚ ରୀନା ପ୍ରଧାନ ଓ ପ୍ରତିନିଧି ଶିଶିର କୁମାର ପ୍ରଧାନ କର୍ତ୍ତା ଭାବେ ବସି ଦୀପଦାନ , ହୋମ ଏବଂ ମହା ମୃତ୍ୟୁଞ୍ଜୟ ମନ୍ତ୍ର ପାଠ କରିଥିଲେ । ଏହି ସାମୂହିକ ଦୀପଦାନ ସମୟରେ ବ୍ଳକ ଅଧ୍ୟକ୍ଷା ପ୍ରତିନିଧି କୃଷ୍ଣଚନ୍ଦ୍ର ସେଠୀ , ଯୁବ ବିଜେଡି ଜିଲ୍ଲା ଉପସଭାପତି ଏମ୍ . ନିରଞ୍ଜନ ରେଡ୍ଡୀ , ଉପାଧ୍ୟକ୍ଷା ପ୍ରତିନିଧି ନକୁଳ ପ୍ରଧାନ , ମନ୍ଦିର ପରିଚାଳନା କମିଟି ସଭାପତି କେ . ତାରକେଶ୍ବର ଦୋରା , ରାମନାଥ ବିଷୋୟୀ , ରାମକୃଷ୍ଣ ପାଢ଼ୀ , ସମୀର ସ୍ବାଇଁ , ସମିତି ସଭ୍ଯ ପ୍ରତିନିଧି ଇନ୍ଦ୍ର ସେଠୀ ସମେତ ଗ୍ରାମର ବହୁ ମହିଳା ଓ ପୁରୁଷ ଅଂଶ ଗ୍ରହଣ କରି ୧୦୮ ବେଲପତ୍ର ଓ ଦୀପଦାନ କରି ସୂର୍ଯ୍ୟ ପାତ୍ରଙ୍କ ଆରୋଗ୍ୟ କାମନା କରିଥିଲେ ।
